Af hverju er maður alveg til í að borga meira fyrir suma bangsa?

Bangsar eru til í öllum stærðum og gerðum.  Strákurinn minn á helling af þeim, flestir svolítið sætir en ég hef aldrei haft neina sérstaka ástæðu til að talað um þá.  Bangsi er bara bangsi...eða hvað?

Í sumar fór ég í fyrsta skiptið inní Build-A-Bear í Boston.  Strákurinn minn, hann Darri sem er 4 ára, bjó þar til bangsa sjálfur! 

Hann valdi líkama, setti í hann fyllingu, valdi á hann föt, fékk fæðingarvottorð og setti í hann lítið hjarta áður en starfsmenn Build A Bear lokuðu honum og gerðu hann tilbúinn til að fara með Darra út í lífið. 

Þetta ferli sem endaði með bangsa, sem er í raun ekkert ólíkur öðrum böngsum að sjá, hefur bæði náð miklu meira til Darra en aðrir bangsar ásamt því sem við foreldrarnir segjum óspart frá þessari frábæru upplifun!

Mér finnst þetta stórmerkilegur bangsi og það að Darri hafi sett í hann hjarta sem hann valdi sjálfur setur hann á mun hærri stall en flest leikföngin hans.  Bangsinn kostaði einnig mun meira en bangsar í leikfangaverslunum sem líta svipað út...en hann var hverrar krónu virði vegna upplifunarinnar...sem við gleymum aldrei.

Fyrirtæki þurfa að fara hugsa meira eins og Build-A-Bear.  Þeim hefur tekist að búa til einstaka upplifun í kringum svo einfalda vöru sem fær fólk ekki aðeins til að segja öðrum frá, heldur er það tilbúið að borga mun hærra verð fyrir bangsana með bros á vör!

Athugasemdir

[Rúnar Sigurður Sigurjónsson, 19.8.2009 kl. 09:10]

Gaman að fara BaB búðir, það var nú ein slík á leiðinni í Smáralindina við hliðina á gamla Glitni, en eftir atburði haustsins hurfu þær áætlanir, því miður